काठमाडौं । कोरोना भाइरसको त्रासका कारण बहुचर्चित सुन्दरी प्रतियोगिता ‘मिस नेपाल २०२०’ को अडिसन पनि स्थगित भएको छ । नेपालका मुख्य शहरमा अडिशन सकिएपनि काठमाडौं अडिशन अहिलेलाई स्थगित भएको आयोजक ‘द हिडन ट्रेजर’का निर्देशक सुवर्ण क्षेत्रीले बताए । उनले भने, ‘पोखरा, चितवन, वीरगञ्ज, धरान, विर्तामोड, बुटवल, नेपालगञ्ज र धनगढी अडिसन भइसकेको छ । काठमाडौंको अडिशन बाँकी छ । त्यो बैशाख १८ पछि हुनेछ ।’
मिस नेपालमा १८ देखि २६ वर्षसम्मका कम्तिमा ५.४ इन्च उचाइ भएका नेपाली युवतीहरुले भाग लिन सक्नेछन् । सरकारले २५ जनाभन्दा बढी भेला नहुन र सभा सम्मेलन नगर्न आग्रह गरेपछि मिस नेपालका कार्यक्रम समेत स्थगित भएका हुन् ।
