आज बुधबार साँझ काठमाडौंमा सम्पन्न मिस यूनिभर्स नेपाल–२०२० को उपाधि अंशिका शर्माले जितेकी छिन् । यो संगै अब उनले मिस यूनिभर्स–२०२० मा नेपालको प्रतनिधित्व गर्नेछिन् ।
अंशिका अष्ट्रेलियाको सिड्नीमा बसोबास गर्छिन् । नेपालमा भने उनी कोटेश्वर, काठमाडौंकी स्थायी वासिन्दा हुन् ।
यसै वर्षको प्रारम्भमा उनले अष्ट्रेलियामै सम्पन्न मिस नेपाल ओसेनियामा फष्ट रनर्स अपको उपाधि जितेपछि मिस यूनिभर्स नेपालमा सहभागिता जनाएकी हुन् ।
२४ वर्षीया अंशिकाले आज सम्पन्न ग्राण्ड फिनालेमा १७ जना प्रतिस्पर्धिहरुलाई पाखा लगाउँदै मुख्य उपाधि जित्न सफल भएकी हुन् ।
